Estimadas familias:
Como ben sabedes, a biblioteca do noso centro está pechada aos máis pequenos e pequenas, debido ao seu acondicionamento como segundo espazo para o Comedor Escolar, así como para o Servizo de Madrugadores do centro.
Desde o Equipo de Biblioteca, queríamos propoñervos unha tarefa a realizar a nivel de centro.
Cada neno/a, coa axuda da familia, gravarase no seu fogar, ensinando un libro de lectura favorito ou que lle gustase, contando brevemente de que trata. Para iso, pode utilizar os complementos que considere necesarios.
Trátase dunha tarefa con carácter voluntario, pero encantaríanos que vos animarades a participar. Deste xeito, cada nivel podería ver aos demais compañeiros/as, non tan só do seu mesmo nivel, senón de todo o centro educativo.
Esperamos que vos animedes a participar!
Asdo.: O Equipo de Biblioteca Escolar do centro.
Comentarios
Publicar un comentario