BERGANTECA. Benvidos á biblioteca de Tintón no colexio Bergantiños.

                       Boas a todos e a todas, amiguiños e amiguiñas!            Velaquí vos traemos o vídeo de Laura Espasandín Rego, de 1ºB de Educación Primaria, a cal nos conta, de primeira man, a historia de "El baúl de la magia", onde Lucía e os seus bonecos montan... unha festa!           Como se trataba dun vídeo con bastante peso en mB, tivemos que rebaixar un chisquiño a calidade do mesmo.                Desculpade as molestias, Laura e familia!                Esperamos que o desfrutedes moito!                Un saúdo a todos e a todas!      

     Ola, de novo, a todas e a todos!      Desde o venres 7 de maio ata este venres día 14 de maio, estamos a desenvolver no noso centro unha xincana sobre a vida e obra de Xela Arias.      A xincana consiste en buscar e atopar 10 cuestións sobre esta autora, a cal conmemoramos este 2021 no Día das Letras Galegas. As cuestións están repartidas polo centro (planta baixa e primeiro andar), así como polos patios do mesmo.      Cada aula ten asignada unha sesión para poder desenvolver esta actividade.      De momento, a acollida está sendo estupenda e esperamos que sigades desfrutando desta actividade.      Un saúdo,      o polbo Tintón.

     Boas a todos e a todas!      Como ben sabedes achégase un día importantísimo para as nosas Letras... As Letras Galegas!           Este 17 de maio de 2021 conmemoramos a figura de Xela Arias, poetisa e tradutora de grandes obras de literatura infantil e xuvenil.      A súa inclinación pola escritura estivo presente desde moi nova. Segundo palabras de Amparo, súa nai, estba sempre escribindo contos imaxinarios.      En maio de 1982, publicou o seu primeiro poema, "Vin", no nº 3 da revista Dorna. A partires desa data, a produción poética de Xela foi imparable.      O seu primeiro libro, "Denuncia do Equilibrio", publicouse en 1986 por Edicións Xerais, no cal se recollen os distintos poemas que foi publicando en distintas revistas literarias, ao longo de dous anos.     A continuación veríamos a publicación das seguintes obras como "Tigres coma cabalos", "Darío a diari...

              Ola, de novo, amiguiños e amiguiñas lectores/as!         Velaquí vos traio o vídeo protagonizado por Abril Pereiro Blanco, a cal nos narra de forma moi simpática a historia recollida no conto de "Corre corre, cabaciña".           Unha vez máis, tivemos que rebaixar moito a calidade do mesmo para poder subilo a esta plataforma, o cal non impide que poidades desfrutalo igualmente!              Desde aquí queremos darlle grazas infinitas á familia de Abril, a cal non se detivo ata que conseguimos obter o vídeo, xa que tivemos algún que outro problemiña para poder descargalo.                Esperamos que o desfrutedes moito!           Un saúdo,            o polbo Tintón.

               Ola, pequenos e pequenas!      Velaquí tedes o vídeo protagonizado Eva Pérez Lorenzo, de 1ºB de Educación Primaria.      Unha vez máis e, debido a que era un arquivo que pesaba máis de 100mB, tivemos que rebaixarlle bastante a calidade do mesmo para poder subilo a este blog.      Esperamos que o desfrutedes moito!      Desculpade as molestias!      Un saudiño,          o polbo Tintón.

                  Ola a todas e a todos!          Hoxe traémosvos o vídeo protagonizado pola nosa compañeira Lia Pereiro Blanco, a cal nos conta dun xeito fabuloso a historia de "Os Bolechas van á praia".           Unha vez máis, tivemos que rebaixar a calidade do mesmo para poder subilo a esta plataforma.           Desculpade as molestias que isto poida ocasionar, familia!             Esperamos que o desfrutedes, ao igual que o fixemos nós!           Un saúdo,            o polbo Tintón.

                Boas de novo, pequenos e pequenas!             Como pasa o tempo! Estamos xa na Semana do Libro, semana importantísima para os amantes dos libros e, como non, para o polbo Tintón.             Velaquí vos traemos o vídeo de Diego Álvarez Parafita, de 1ºB de Educación Primaria.          Diego móstranos o interesantísimo que pode resultar un libro sobre o corpo humano e todo o que podemos aprender del.         Como se trataba dun vídeo con bastante peso en mB, tivemos que rebaixar moito a calidade do mesmo.              Desculpádenos, Diego e familia!                Esperamos que o desfrutedes moito!                Un saúdo a todos e a todas!