BENVIDOS E BENVIDAS!!!

Benvidos e benvidas a un novo curso!!!

                     Xa sei que o curso leva un pouquiño andado, pero non tiven a oportunidade de saudarvos antes, síntoo.☹️

Pero a partir de agora temos moitas novas que contarvos para este curso 2018-2019, así que non vos preocupedes. COMEZAMOS...

Somos colexio Erasmus+. Qué quere dicir isto? Pois que compartiremos boas prácticas educativas con outros centros europeos; concretamente, durante este ano e o próximo utilizaremos a fotografía como recurso para ensinar e aprender. Imos traballar colaborativamente cos seguintes coles:

• 4th Dimotiko Scholio Almirou ( Grecia)
• Istituto Comprensivo "Santa Chiara-Pascoli-Altamura" (Italia)
• "Prof. Dimitar Dimov" Secondary School ( Bulgaria)
• Gulbisa pamatskola (Letonia)
• Ecole des platanes (Francia) 

Pero ademáis disto...

                               Con motivo do ano cultural europeo, este ano contaremos coa colaboración dunha experta en Patrimonio. O proxecto Patrimonializarte pretende achegar aos nenos e nenas o seu patrimonio máis próximo, que comprendan a sociedade na que viven, tecendo un fío entre pasado e presente, e que entendan a importancia do patrimonio nas súas múltiples manifestacións como legado que debemos conservar e preservar para o futuro, identificándose e sensibilizándose con el.

Pronto publicaremos algúns dos logos que fixestes para presentarllo aos representantes dos outros coles e despois o resultado obtido da combinación do logo escollido polo noso cole e os dos outros países.